திகாரின் இரும்பு கம்பிகளுக்குள் சுருண்டுபோன கொள்கை 

இறையாண்மையின் இருட்டு பார்வையால் கருகிப்போன ஈழம் .

ஏப்ரல் 13 உண்மை தமிழனாய் சிந்திப்பீர்

காத்திருக்கிறேன் .....!

இரவுகளில் நான்

இமை மூடி விழித்திருந்தேன் ,

உன் முகம் காணா வருத்தத்தில் .

நாட்கள் நரகமாய் 

மணித்துளிகள் யுகங்களாய் 

உணர்வுகள் வெறுமையாய்

சுகங்கள் சுமைகளாய்

கனவுகள் கவிதையாய்

தோன்றுகிறது எனக்கு ...

மௌனித்திருக்கும் என்  அலைபேசி 

சினுங்கும்போதேல்லாம் 

ஆர்பரித்து அடங்கிவிட்டேன்

நீ அழைக்காமல் போனதால் .

காத்திருக்கிறேன் 

உனக்காகவும் ,

உன் நட்பிற்க்காகவும்.

ஒரு நண்பனாய்,உற்ற தோழனாய்

-திரு 

கவிதை

கண்ணே ,
நீ தோட்டத்தில் உலவ செல்லாதே.
பூக்கள் கோபபடுகின்றனவாம்!
தேன் உண்ண மறுத்து- வண்டுகள்
உன்னை  சுற்றுவதால் ...

அன்பே ,
நீ சீக்கிரம் கோலமிடசெல்,
முற்றத்து நிலவது காத்திருக்கிறது.
உன் முகம் பார்த்த பின்தான்
அது முகில் மறைய வேண்டும!

கண்ணே ,
நீ கூந்தல் சூடும் பூக்கள் எல்லாம்
ஓரிரு நாளில் வாடுவது இல்லையாம்!
பூக்காரி புலம்புகிறாள்.

அன்பே,
நீ நீர் இறைக்கும்போதேல்லாம் , கேணியில்
உள்ள மீன்களுக்குள் போட்டியாம்!
பிம்பமாக தோன்றும் உன் உதட்டில்
யார் முதலில் முத்தமிடுவதென்று.

                                                      ..... திரு 

நான் புதியவன் .இடுகைகள் உலகின் வாசலில் நுழைகிறேன். இந்த பரந்த உலகில் நானும் உலவுவதை என்னால் நம்ப முடியவில்லை . என்னால் முடிந்த பங்களிப்பை அளிக்க உள்ளேன்.
நன்றி

திரு